جمعہ، 11 مارچ، 2011

جاپان میں زلزلہ

جاپان میں زلزلہ
جعمے کی نماز پڑھ کر کھانا کھایا کہ میاں سلیم کا فون آگیا کی میں تمہارے سکریپ یارڈ میں پہنچ رہا ہوں
میاں جی کو انجن دینے تھے
جیسے ہی میں ان کے ٹرک پر انجن رکھنے کے لیے فورک لفٹ پر بیٹھا ہلکی سی بارش ہونے لگی
جو کہ موسم کے حال میں صبح نہیں بتائی گئی تھی
بہرحال انجن ٹرک پر رکھ کر دفتر میں آ کر کافی بنائی کہ زلزلے کے جھٹکے
شروع ہو گئے
میاں صاحب کا رنگ اڑ گیا اور باہر نکل کر زمین پر بیٹھ گئے
عجیب سا منظر تھا کہ میاں صاحب پاوں کے بل بیٹھے ہیں اور ان کے گرد کھڑے ٹرک ڈانس کررہے ہیں
ایک ہی جگہ کھڑے ٹرک پاوں اٹھا اٹھا کر ڈانس کرتے دیکھے ہیں کسی نے؟
میں نے کافی کا کپ ہاتھ میں پکڑا تھا اور حالات کا جائیزہ لے رہا تھا کہ میاں جی نے غصے سے کہا
اوے خاور تھلے بہ اوے
میں نے بھی نیچے بیٹھ کر کافی ختم کی لیکن جھٹکے جاری تھے
میان جی کی کافی گر چکی تھی
بجلی بند ہو چکی ہے
تین کھنٹے بعد اب بھی جھٹکے چل رہے ہیں
تیلی فون نیٹ ورک بند ہیں
میں جنریٹر چلا کر یہ سب لکھ رہا ہوں
اللہ خیر کرے
لیکن خیر لگتی نہیں ہے

9 تبصرے:

Unknown کہا...

زلزلےکے بعد سونامی کی وارننگ بھی جاری کر دی گئی ہے۔

الف نطامی کہا...

رب تعالی آپ کو حفظ و امان میں رکھے۔

گمنام کہا...

allah ta'ala aap ko, yasir japani sahab ko, aud deeger tamam logon ko apni hifz o aman men rakhey, ameen

عنیقہ ناز کہا...

جی صبح اطلاع ملتے ہی آپ کا خیال آیا۔ بعد میں خبر چیک کرتے رہے تو پتہ چلا کہ ٹوکیو بھی متائثرین میں ہے۔
ابھی یہ معلوم نہیں کہ نقصان کی کیا شدت ہے۔ اتنی زیادہ شدت کے زلزلے کے بعد کتنے لوگ اس ناگہانی کا شکار ہوئے۔
لوگ ززلزلے سے زیادہ متائچر ہوئے یا سونامی سے۔ خود آپ کس حد تک محفوظ رہے۔ یہ کہنا کہ خدا آپکو محفوظ رکھے، کبھی کبھی ایک خود غرض جملہ لگتا ہے۔ بہر حال جو لوگ اس مصیبت میں پھنس چکے ہیں انہیں اسے سہنے کی ہمت خدا دے۔

عنیقہ ناز کہا...

جی آج صبح ہی اطلاع ملی۔ اسکے بعد سے آپکے بارے میں ےشویش تھی۔۔یہاں ہمارے کمپیوٹر پہ وائرس کا شدید اٹیک تھا۔ تو جاننے میں تاخیر ہوئ۔
اگرچہ ٹوکیو کے بارے میں بھی خبریں آرہی ہیں مگر اس تحریر سے لگتا ہے کہ آپ بہتر حالات میں ہیں۔ کبھی کبھی اس پہ شکر کرنا خود غرضی لگتا ہے۔ لیکن جو لوگ اس آفت کا شلار ہوئے انہی اسے سہنے کی ہمت خدا دے۔

گمنام کہا...

اللہ کاشکر ہے کہ آپ بخیر و عافیت ہیں،اللہ پاک سب کو اپنی حفظ و امان میں رکھے آمین،
سب سے بڑھ کر جاپانیوں کی ایمانداری اورہمت و حوصلے کو شاباش،
اتنا شدیدزلزلہ اگر خدانخواستہ پاکستان میں آجاتا تو شائد کچھ بھی باقی نہ بچتا،اور اب ان کا ڈسپلن بھی قابل داد ہےکہ کوئی افرا تفری نہیں کوئی لوٹا ماری نہیں سب ایک دوسرے کی مدد میں لگے ہیں،
کہنے کو تو ہم مسلمان ہیں مگر اسلام کے نام پر دھبہ ہیں،
ایک ہم ہیں کہ لیااپنی ہی صورت کو بگاڑ
ایک وہ ہیں جنہیں تصویر بنا آتی ہے
Abdullah

گمنام کہا...

اللہ آپ کو، آپ کے اہل خانہ اور باقی سب کو بھی اپنے حفظ و امان میں رکھے۔۔۔ اور ہر طرح کی مشکل حالت سے محفوظ رکھے۔۔۔ آمین۔۔۔ بلاگ کے ذریعے اپنی خیریت کی اطلاع دیتے رہیے گا۔۔۔

Shakir کہا...

اللہ سب کی حفاظت فرمائے۔ خبروں سے تو لگ رہا ہے کہ نقصان بہت زیادہ ہوگا۔

جاوید گوندل ۔ بآرسیلونا ، اسپین کہا...

اللہ تعالٰی آپکو ،اہل خانہ ، اور تمام مخلوقِ خدا کو اپنے حفظ و امان میں رکھے۔

اخبارات اور ٹی وی چینلز سے تو انسانی جانوں سمیت ناقابل تلافی مالی نقصان کے بارے میں بتایا جارہا ہے۔

چند لمحوں میں پتہ نہیں کون کون جان و مال سے گذر گیا۔ خدا سب کو صبر و استقامت سے نوازے۔

Popular Posts