گونگلو

بلوچستان کے وزیر اعلی کی استادوں کی ہتک کرنے پر
شلغم پر مضمون، ٹاٹوں والے اسکول کے استادوں کے ایک شاگرد کی طرف سے
شلغم پر یه مضمون میں منشی عزیز دین صاحب کے نام کرتا هوں جنہوں نے مجھے قلم پکڑنا سکھایا

شلغم ایک سبزی هوتی ہے جس کو غریب لوگ فروٹ کے طور پر بھی استعمال کرتے هیں
شلجم کو گونگو بھی کهتے هیں
اس ک شکل بلکل لوٹے سے ملتے هی ، بس اس کی ٹوٹنی نهیں هوتی هے اسی لیے گونگلو کو سیاستدانوں سے تشبیه نهیں دی جاتی
گونگلو دیسی بھی اور انگریزی هوتے بھی هیں
دیسی کی کوئی عزت نهیں هوتی ہے لیکن جس کو انگریز سے نسبت هو جائے
ایک تو اس گونگلو کا رنگ بھی فرط جذبات سے تھوڑاجامنی هو جاتا ہے
حالنکه پیدا یه انگریزی گونگلو بھی دیسی زمینوں میں هی هوتا ہے لیکن
اس کی تاثیر انگریزی هو جاتی هے
ہر
گونگلو بڑا مزے دار هوتا هے
دیہاتی لڑکیاں اپنے محبوب کو بھی گونگلو سے تشبیه دے دیتی هیں
اور جس پر پیار بهرا غصہ آئے اس کو گالی بھی کجھ اس طرح کی هوتی هے
ٹٹ مرنا گونگلو جیا
بہت سے دیسی سیاستدانوں کی شکل بھی انگریزی گونگلو سے ملتی هے
ان کے چہرے کا ناک سے نیچے کا حصہ سفیدی مائیل اور اوپر کا ماتھے تک سیاهی میل هو جاتا هے
جیسا که انگریزی گونگلو کا جامنی مائل هوتا ہے
لیکن سیاستدانوں کی نسل کچھ اس گونگلو سے اعلی هوتی هے اس لیے ان کا رنگ سیاهی مائل هوتا هے
انگریزی میں ایک سیب کھا کر ڈاکٹر سے دور رهنے کا مقوله ہے لیکن دیسی لوگ اس کو ایک گونگلو کھا کر کام چلا لیتے هیں
گونگلو کا حجم اس کی جڑوں سے زیادھ هوتا هے
تھوڑی سی جڑیں زمیں میں اور اس پر گونگلو اور اس کو پتوں نے ڈھانپا هوتا ہے

بلکل پاک حکمرانوں کی طرح
ان کی جڑیں باهر کے بنکوں میں پڑی هوتی هیں اورحجم محلوں میں جس پر فوج کے نازک پتوں کا حفاظتی سایه هوتا هے
حکیم لوگ گونگلو کی تاثیر بادی بتاتے هیں حالنکه اس کا جسم سنڈول هوتا هے ، اصل والی بادی تو پاکستان میں وزیروں اور جرنیلوں کے اجسام ميں پائی جاتی هے
جو که هر طرف چھلکتی هوئی نظر اتی هے
گونگلو بڑا کثیر المقاصدی هوتا ہے اس کا سالن بنتا هے
اس کو کچا کھایا جاتا هے
اور بچے بھالے لوگ اس کو پتوں سے پکڑ کر ایک دوسرے کو مار کر اسلحے کا کام بھی لیتے هیں
اس اسلحے کو کہیں بھی سیاستدانوں پر استعمال کی مثال نهیں ملتی هے
غالباً اس لیے که گونگلو کی اهمیت کو بادی زده لوگوں سے زیادھ اہم جانا جاتا هے
گونگلو اسمبلیوں کی بجائے سبزی منڈیوں میں فروخت هوتا ہے
اور اس کی کاشت فوجی چھاؤنیوں کی بجائے زمینوں میں هوتی هے
گونگلو کی بڑهوتی کے لیے امریکه ڈالروں کی بجائے پانی سے آب پاشی کی جاتی هے
گونگلو ایک دیسی چیز هوتی هے دیسی هی رهتی هے اور دیسی هی جانی جاتی هے
اس کو کسی بھی غیر ملکی اقا یا فوجی حفاظت کی ضرورت نهیں هوتی ہے
ایک گونگلو بلکل گونگلو هی کی طرح نظر اتا هے
اردو ميں اس کو شلغم بھی کہـ لیں تو بھی اس کی طبیت پر کوئی اثر نهیں هوتا ہے