یاکوزا

سچ اچها پر اس کے جلو میں زہر کا ہے اک پیاله بهی

پاگل هو كیوں ناحق کو سقراط بنو . خاموش رہو

جی ہاں دو اس قسم کے واقعات هوئے که ان پر لکها جانا چاهیے تهالیکن میں خود میں اس بات کی جرات نہیں پاتا که میں نے بهی اس معاشرے میں رہنا ہے ـ
ایک بات هوئی تهی پاکستان ایمبیسی میں اور دوسری بات تهی اسلامک سرکل آف جاپان والوں کی مسجد کی انتظامیه کا معامله اور اس دوران آپنی وڈیائی بنانے والوں کا گندا رویه ـ
پنجابی میں کہتے هیں
موہرا کها کر تُپّے سونا
زہر کها کر دهوپ میں سونے والی بات هو جاتی هے
اس لیے ان معاملات کی تفصیل نہیں لکھ سکتا ـ

ناگا ساکی ایک شہر که جس کا نام ہر پاکستانی جانتا ہےیا شائد دنیا کا ہرصاحب علم جانتا ہے ـ
اس شہرناگاساکی کا مئیرسٹر ای تو گولی مار کر ہلاک کردیا گیا ہے ـ خبروں کے مطابق مسٹر ایتو ایک یاکوزا کی گولی کا شکار هوئے جسنے که کسی بڑے یاکوزا کی خواهش کو پورا کیا ـ
لیکن اس یاکوزا کا بیان ہے که اس کی گاڑی کا نچلا حصه غیر ہموار سڑک کی وجه سے رگڑا گیا اور اس کی ذمه داری مئیر پر آتی هے ـ
یاکوزا کیا ہے ؟
یه جاپانی بدمعاش ہے جن کی روایات اور اخلاقیات بهی هیں ان کے گروپ هوتے هیں اور عموماً ان کا کام کنسٹریکشن کا هوتا ہے لیکن اپنے علاقے کے شراب خانوں اور دوکانوں سے جگا لینے کے لیے بهی بدنام هیں ـ
جاپانی معاشرے میں یاکوزا پرانے زمانے سے پائے جاتے هیں لیکن عام لوگ ان سے نفرت کرتے هیں ـ
اور آپنی اس نفرت کو یاکوزا سے خوفذده هونے کی ایکٹگ میں چهپاتے هیں ـ
پرانے زمانے میں جاپان میں بُشی هوا کرتے تهے ان کو شہنشاه کی طرف سے دوتلواریں رکهنے کی اجازت هوتی تهی ـ
ایک لمبی تلوار اور دوسری چهوٹی ـ لمبی تلوار کو کاتانا کہتے تهے اور چهوٹی والی کو یوکو ساشی ـ
بُشی ایک بہادر آدمی هوتا تها جوکه ظلم کے خلاف ڈٹ جانے والا اور مظلوم کی مدد میں جان سے گزر جانے کا حوصله رکهتا تها ـ
بشی جهوٹ نہیں بولا کرتا تها بشی منشیات سے پرہیز کرتا تها ـ بشی کو موت خوف ذده نہیں کرسکتی تهی ـ
بس جی اسلام کا مجاہد سمجھ لیں ـ
جاپانیوں کو میں جب طالبان اور عراقی مزاہمت کاروں کا بشی جیسا هونا بتاتا هوں تو جاپانی چُپ هو جاتے هیں ـ
لڑائی میں اگر بشی کی تلوار ٹوٹ جاتی تهی یا گر جاتی تهی یا دشمن الٹی تلوار کمر پر مار دیتا تها تو اس کا مطلب هوتا تها که تم مر چکے هو ـ
اور غیرت مند بشی چهوٹی تلوار یوکوساشی سے جیتنے والے کے سامنے ہارا کیری کرلیا کرتا تها مگر جیتنے والا بهی اعلی ظرف بشی هوتا تها اور اگر ہارے والے کا ہاتھ روک کر اس کو ہارا کیری سے منع کردیتا تها یعنی جان بخشی کردیتا تها تو هارا هوا بشی اس علاقے کو چهوڑ دیتا تها اور گوشه نشین هو جاتا تها ـ
یه یاکوزا صاحبان بشی کی غیر قانونی کاپی سمجھ لیں یاکوزا ہارنے پر ہارا کیری نہیں کرتا بلکه آپنے ہاتھ کی چهوٹي انگلی کا ایک پوٹا کاٹ دیتا ہے ـ
اور کتنے هی پوٹے کٹے هوئے یاکوزا میں نے بهی دیکهے هیں ـ
یاکوزا لوگوں کا ایک مخصوص لباس هوتا ہے اور یه آپني چال ڈهال سے پہچانے جاتے هیں ـ893کو جاپانی میں یاکوزا بهی پڑهتے هیں ـکسی گاڑی کا نمبر 893 هونا یاکوزا کی گاڑی سمجها جاتا ہے ـ
اب خبریں تو مئیر ایتو سان کا قتل یاکوزا کی کارستانی بتاتی هیں مگر
ایک ٹرک ڈرائیور کہـ رها تها که یه مئیر صاحب امے ری کا کے خلاف بہت بولتے تهے ـ
اس کو بات سن کر مجهے ان دنوں دیکها هوا ایک پروگرامن یاد آیا جسمیں پروگرام کا میزبان بهیمہمانوں سے اس بات پر بحث کررہا تها که دور کے امریکه سے دوستی کیوں اور پاس کے مملک سے کیوں نہیں ؟
تو ایک مہمان نے شمالی کوریا کا ڈراوا دیا تو یه میزبان کہنے لگا که میں جان قربان کروں گا آپنے ملک کے لے آؤ تم بهی میرے ساتھ چلو ـ
آپنے ملک کے لیے ہمیں آپنی هی جانیں قربان کرني پڑیں گي اؤ آپنے پڑوسیوں سے تعلقات بنائیں تو پهر بهی سوٹ اور بوٹ میں ملبوس عقلمند ٹائیپ مہمان امریکه کی طاقت کے هی کُن گائے جارها تها ـ
عقل ہے محو تماشا لبِ بام ابهی