منگل, نومبر 3, 2015

چوھدری ڈبے دا رحم دل پراء

اودھا ناں تے کجھ ہور سی  پر لوکی ایس کو چوہدری ڈبہ  آکھدے سن ۔
خورے ایس لئے کہ اینہوں پھلہویری  ہوئی سی تے ایدھا منہ ڈبکھڑبا جہیا بن گیا سی  ۔
بڑا کوڑا بندہ سی ، ایویں راھ نادے لوکاں نوں وی پھنڈ کڈھا سی ۔
اے وکھری گل اے کہ کئی واری ایس نوں وہ پھنڈ لگ جاندی سی تے فیر  اینہوں دوڑنا وی اؤندا سی تے بڑا تیز ڈوردا سی ۔
پنڈ دے اوتلے پاسے ، جتھوں نہر لنگدی اے  ،ایدھے نال نال اینہاں دیا پیلیاں سن ۔
مجاں وی رکھیاں ہوییاں سن ، تے کجھ کامے وی سن ۔
چوہدری ڈبہ  کامیاں کولں کم کروان دا وی بڑا ماہر سی کہ کوئی وی کاما ایدہے کول چھ مہینیاں تو بوہتا نئیں سی ٹکدا ۔
پند دا کوئی منڈا  جے ایدھے ہتھیں چڑھ نادا سی تے فیر اوس دا سارا دن  چوہدری ڈبے دے  کھوھ تے کم کردیاں ای لنگ جاندا سی ۔
مجاں لئے پٹھے وڈنے ، ٹوکے تے کترنے ، مجاں دے اگے پانے ، مجاں نوں پانی ڈاھناں ۔
جے اے سارے کم مک وی جاندے تے ، مجاں نوں نوان  دے کم تے لاء لیندا سی ۔
منڈے تے منڈے  پنڈ دے کمیاں دیاں دا کوئی بابا بزرگ وی ہتھے چڑھ جاندا تے  اودھا وی ایہو حال ہوندا سی ۔
پر چوہدری ڈبے دا وڈا پراھ بڑا ای بیبا تے خدا ترس بندہ سی  پر اینہوں تھانے کچری دے کماں لئے سارا دن شہر ای لنگ جاندا سی  ۔
تھانے کچری دے کم وی بس چودھری ڈبے  دے بنائے ہوئے ای ہوندے سن پر  وڈا پرھ بڑے شوق نال اے کم کردا رہندا سی ۔
شام نوں وڈا پراء جدوں شہروں واپس مڑدا تے سب تو پہلوں اور کھو تے جاندا سی ۔
تے سارا دن پکھے تے ترہائے اوس بندے کول جاندا سی جیہڑا بد نصیب  چوہدری ڈبے دے ہتھ چڑھ گیا ہونا سی ۔
تے فیر وڈا پراء چوہدری ڈبت¥ے وں بڑیاں گالاں کڈھدا سی ۔
کہ اوئے توں میرے ایس پتر نوں سارا دن پکھا تے ترہایا  کم تے لائی رکھیا اے
اؤئے تون جے ایدہی جان ای کڈ چھڈی  اے ظالماں
تے فیر وڈا پراء ایس بندے نوں کہندا، چل ہن تو نکل جاتے اپنے گھر جا کہ کوئی روٹی شوٹی وی کھا لے ۔
بندہ جا چھڈا کے پجن دی کردا
پر رحم دل تے بڑا ہی چنگا وڈا پراء ایس نوں تاکید کردا کہ
جے اے ڈبہ  فیر تیرے نال ایس طرح کرئے تے توں مینوں ضرور دسئیں ۔ ایس  بد دے بی نوں میں بڑا ماراں گا ۔
ڈیرے دے کولوں ای  سڑک لگندی سی  جدہے تے بساں وی لنگدیاں سن ، بساں تے بہہ کے شہر مزدوری کرن جان والے مزدور  وی ایس دے شکار بن جاندے سن ۔ چوھدری ڈبہ بس ای روک لیندا سی تے  مزدوراں نوں سارا دن کم تے لائی رکھدا  سی۔
مونجی دی لابھ لان لئی  ایہاں دناں وج چدوں لابے  مدلے ای نئیں ۔ اے مزدور لوگ لابھ لاون دی جاچ کٹ سیکھدے سن تے پکھ نال ٹرفدے زیادہ سن ۔
ایہاں  مزدوراں دی جان وہ واڈا پراء ای آ کے چھڈاندا ہوندا سی ۔
اک دن کی ہویا کہ جس بس نوں ڈبے نے کھلاریا اوس بس وچ کچھ  باجوے  جٹ منڈے شہر تاریخ بھگتن واسطے جاندے ہوئے بیٹھے سن  ۔
جدوں اینہاں نوں چوہدری ڈبے نے بسوں اتر کے مونجی دی لابھ لاؤن لئی آکھیا تے
ایہاں منڈیاں نے  چوہدری ڈبے نو  پاء لمیاں لیا  تھ بڑی پھینٹی لائی ۔
ہڈی پسلی تے نئیں بھنی پر  گجی مار بڑی ماری ،۔
چوہدری ڈبے نوں ادھ مویا کر کے اور بجویاں دے منڈے بس تے بیٹھے تے شہر ٹر گئے ۔
ایس دن وڈا پراء سویرے سویرے ای چوہدری ڈبے دی مدد نوں پہنچ گیا ، تے جدوں انہون پتہ لگا کہ کوئی منڈے  ڈے نوں مار کے شہر ٹر گئے نئیں تے  وڈا پارھ وہ ڈانگ لے سڑک تے بہہ گیا کہ جدوں اوہ منڈے واپس پلٹن گے تے اج انہاں دیاں ہڈیاں  تروڑ کے ای کلاں گے ۔
او ای گل ہوئی کہ
پچھلے پہر او باجوے منڈے  کجھ بس دے اندر سن تے کجھ بس دی چھت تے ۔
چوہدری ہوراں نے بس کھلار  لئی  تے للکارا ماریا۔
پر باجوے منڈے بجائے پجن دے اینہاں دواں پراواں تے اینہاں دے کامیاں  دے گل پئے گئے ۔
ڈبے تے ایدھے پراھ کولون ڈانگاں کھو کے ایہناں دواں پراواں نوں انت دی کٹ لائی ۔
کامے  لوک چھیتی ای لمبے پئے گئے ،تے باجوے منڈیاں نے ایہاں نوں تے کجھ نئیں  اکھیا
پر دواں پراوں نوں پھنٹی وہ لائی تے نالے بس دے وچ سٹیا تے بس چلوا کے ٹر پئے  ۔کوئی دو تن پنڈ لنگن تو بعد ایہاں دوواں پراواں دے کپڑے لاھ کے اینہاں نوں ننگیاں ای ویران سڑک تے سٹ کے ٹر گئے ۔
ایس کٹ کھان والے واقعے تو بعد وی سال ہا سال اے دویں پراء   انج ای کردے رہے کہ
اک پراھ کم کراندا سی تے دوجا  مظلوماں دی مدد کر کے اینہاں نوں فرار کرواندا سی  ۔

کوئی تبصرے نہیں:

Popular Posts