سوموار، 23 جولائی، 2012

چنگے تے مندے دا ویروا


پنجابی بڑی بولی اے که ایس وچ تهانوں بڑا هی ادبی مال ملے گا تے نال ای بے ادبی مال وی مل جائے گا
جیویں کسی وی چیز وچ جنگے تے ماڑے پاسے هوندے نیں ایس هی طرحاں دی گل وی اکھی جاسکدی اے
بنجابی دے بارے
پر
چنگا کی اے تے مندا کی اے ایس  دا ویروا کڈنا بڑا اوکھا اے که اک  گل جیہڑی کسی لئی چنگی هو سکدی اے
تے
 او ای گل کسے دوجے لئی مندی وی هو سکدی اے
جیویں کهندے نیں
کسی نو مانه (ماش)بادی تے کسے نوں مافک
کڈا وی سوهنا نگ هوے ایس دا پچھلا پاسا ان کڑیا هویا هوندا اے تے چمک نئیں رکھدا
یاں که
کڈا وه سوهنا بندا هوئے ایس نو هگن موتن تے هوندا ای ناں جی؟؟
اک پاسے جاتکاں نوں ایس کل دا دیسا جاندا اے که چیزاں گندیاں نے
که اے ناں هووے که جاتکان نوں اپنی پاکی تے پلیتی دا وی علم ناں هووے
پر اے وی گل سچی اے که اے بندے دا مال جنهوں سماج گند کهندا اے
دھرتی دا ملڑ بندا اے دھرتی دی جمن شکتی نوں ودھاندا اے
تے وائی بیجی والیان نوں ایس دی ڈاڈی لوڑ هوندی اے
پنجابی وچ جتھے دل نوں لوبھ لیں والے شعر ماھیے ، ٹبے ، واراں اکھان نے دوجے پاسے سماج دییاں ڈونگیاں وتھاں وچ کچوکے لان والے اکھان وی هیں
جیوں که اک اکھان اے
بنڈ وچ گوں نئیں تے کاوان نوں سینتراں
تسی اپی سوچوں که کسے بے هنرے بندے تے طنز کرن لئی ایس توں ودیا گل کی هو سکدی اے ؟؟
تے نالے اے وی گل اے که اکھان کوئی ایک دو دن وچ نئیں بن دے، صدیان لگدیاں نے
تے ایفو جیاں گلاں دوجیان بولیان وچ وه هوندیاں نے
که دوجے معاشرے وی پنجابی معاشرے دی هی طرحاں عورت تے مرد دے ملاپ نال هی پیدا هوندے نے
پر جدوں اسی کوئی دوجی بولی سکھنے آں تے اسی اوس سماج لیے اک بچے هونے اں
سارے ای سماج بچیان نوں ساری کل نئیں سکھاندے
جیوں جیوں ادب جاتک توں بالغ هوندا اے ایدے رویے بدلدے جاندے نیں
پر اے گلان اپنی بولی وچ ای سمجھ اؤندیاں نے
دوجیان دی بولی وچ اینی ڈونگی تھان تک جانا ای اوکھا هو جاندا اے
ایس لئی کہ عمرا کنا حصہ تے دوجی بولی سکھن وچ ای گواچ جاندا ، تے اینے چر وچ او بولی جیڑی بنده سکھ رہیا هوندا اے
کچھ ہور وی بالغ یا بڈھی هو گئی هوندی اے
تے ساڈی ماڑی قسمت دیاں گلان نے که سانوں
اپنی اپنی مان بولی توں وی دور کرن لیے ماں بولیان دا علم ای بند کردتا گیا اے
پر پنجاب وچ پرانا توں لخن والے لخ چھڈدے نے
تے لوک ایس دے گاؤون بنا کے یاد رکھدے نے
ایس لئی پنجابی وچ لکخیاں گلاں پڑھ کے جے کسے بہتے ای نفیس بندے نوں اے گلا بنے که اے گلان گندیاں نے تے
ایس بندے نوں وچار دی لوڑ اے که وچار کرئے
که بندےدی پیدائیش والے کم نوں وی بهتے سماج لکاوندے نیں
بہتے کی ، سارے سمجاج ای لکاؤندے !ـ
تے ایدھے نال کی او کم ماڑا کم هو جاندا اے یا لوکاں نے او کم چھڈ دتتا اے؟؟
میں کئی وار وچار کرنا واں که
گلاں نوں جس طرحاں میں پنجابی وچ  کر لینا واں یا لکخ لینا وان
اس طراں میں اردو وچ نئیں لکخ سکدا!!ـ
کیوں ؟
اک چاکا جیا آؤندا اے

1 تبصرہ:

مکی کہا...

خاور صاحب ضروری رابطہ فرمائیں
http://makki.urducoder.com/?page_id=2931

Popular Posts