لہجے تے کیٹاگریاں

پتہ نئیں کہ کیوں  ، پر گاما راشد دی بڑی عزت  کردا اے ،۔
منڈی  وچ  گاما راشد دے نال چل رہیا سی انیج لگدا سی پیا جیویں  گاما چاپلوسی کردا اے پیا  ، پر گامے نوں جانن والے جاندے نیں کہ گاما بڑا خوددار بندہ اے ،۔
سامنے توں  چیمہ صاحب اوندے سن پئے ، راشد نوں ویکھ کے بڑے چاء نال ایدھے نال سلام دعا کیتی  ، منڈی وچ نہ آون دے شکوے کیتے ، تے جدوں گامے نال نظر ملی تے گامے وی ہولی جیہی سلام چاء کیتی ،۔
ورزشی جسم والے گامے دی شخصیت دا رعب سی یاں کہ ایویں ای چیمہ صاحب راشد نوں پوچھدے نے ، راشد صاحب تعارف تے کرواؤ اے صاحب کون نے ؟
راشد اکھیا ، اے تہاڈے نال دے پنڈ دے کمہار جے ، گاما کمہار !!،۔
چیمہ صاحب کا لہجہ  ای بدل گیا تے پوچھدے نے ۔
اوئے ! توں ایں گاما ؟  بڑا ناء سنیا اے تیرا ،۔
پر گامے دی تے حالت ای بدل گئی اکھاں دیاں پتلیاں چٹیاں سفید  ہو گیاں ، گل وچوں گراریاں جیہیاں چلن دی آواز نکلی  تے اینج لگیا جیویں کوئی خراب روبوٹ بولدا اے  تے آواز نکلی توں ں ں ں ں ں  ، جیویں تنیاں ہویا تاراں دی وائیبریشن دی آواز ہوندی اے ،۔
توں اوں اوں اوں !!م،۔
گامے نے اپنے سر نوں دو تین واری تھپے مارے ،۔ چیمہ صاحب پریشان ہو کے ویکھن لگ پئے کہ پتہ نئیں کی ہون لگا اے تے راشد دے منہ تے وی ہوائیاں اڈں لگ پئیاں ،۔
کوئی دو کو منٹ بعد گاما ٹھیک ہویا تے آکھن لگا ،۔
او جی چیمہ جی تہاڈی توں سن کے میرے دماغ دے کمپیوٹڑ ویچ ایرر آ گیا سی ، پروسیسر کم چھڈن لگا سی ، بڑا جھٹکا لگا اے پر ہون کوئی گل نئیں ،۔
میں دماغ دے کمپویٹر وچ تیری کیٹاگری چینج کر دتیی اے ہون تون پاویں آکھ تے پاویں نہ آکھ ، ہن اے ایرر نئیں آئے گا ،۔
چیمہ مذاق اڈان والے لیہجے وچ پوچھدا اے
اوئے ، کیڑی کیٹاگری رکھی اے اوئے توں ، میرے اپنے کمپیوٹر وچ ؟
گاما بڑے بڑے اعتماد دے نال مضبوط لہجے وچ آکھدا اے ۔
پئین چوداں والی کیٹا گری !!!،۔
چیمہ صاحب نے گامے تے حملہ کر دتہ  تے گامے نے چیمہ صاحب نوں تھلے رکھ کے اتے چڑھ گیا ،۔
فیر لوکاں پولیس بلا لئی تے ہن دونوئیں تھانے وچ نے ،۔
ویکھو ضمانت  ہوندی اے کہ نئیں ،۔